仔仔你係我地第一次養既小動物,記得剛剛帶你同女女返屋企果日我真係好驚你...後來慢慢愛上佐你地....每次有人知道我養蜥蝪都會話我"變態",每次都一笑而過..... 你剛剛返來1,2個月,你自己笨笨曬到脫水..... 同你去睇完醫生你既情況都係好差,郁都唔郁由早訓到晚......肥佬醫生叫我地有心理準備,我只可以每日同你浸水,強行餵你食野,3日帶你去打一次針..... 經過一個月你竟然奇蹟好返,醫生同其他護士都話你好叻, 我見到你跑來跑去真係好開心,我再辛苦都值得~~一個月後你又傻下傻下放佐個頭落盤水度,攪到自己肺炎.... 你真係傻阿..經過2個幾月每3日打一針後你又好返,你真係好叻~^^
近呢6個月你由90g變到今日既280g,我同爸爸都好開心,每日我出門口你都會望住我,同你傾計你又會望實我...
脫皮辛苦你又會去門口搵我....
前2日見你唔舒服同你去睇醫生,醫生話你只係多虫,打佐針就會好,我同爸爸都好放心..因為我地知道你好叻仔,一定無事...點都諗唔到今朝同你浸完水見到你好辛苦,我個心好痛好痛...唔知可以點幫你,只可以同你去搵醫生... 你知道嗎?你走既時候個天落好大雨,個天都唔捨得你...醫生話你已經走佐...我真係好心痛,只係攬住你一直喊...我同爸爸會同你走到最後一刻,我地唔會掉低你..帶你去火化果一刻我真係好唔捨得....控制唔到大哭出來,你有聽到嗎?媽媽無你咁叻仔...我喊佐一日都依家都忍唔住....我地永遠都唔會忘記你帶比我地既歡樂,我帶佐你返屋企啦,你好好休息啦....辛苦你啦...我地會好好照顧女女..佢今日不停向下望好似等緊你返來咁,我個心仲傷仲痛...佢有食野阿,你放心啦.... 仔仔..我好唔習慣見唔到你...個腦不停浮現我同你相處既每分每秒...我好掛住你....我地會收拾心情好好照顧女女..你係另一邊好好生活啦.....多謝你.....
![](http://<a href="http://s964.photobucket.com/albums/ae123/elainefung0821/?action=view¤t=P3024713.jpg" target="_blank"><img src="http://i964.photobucket.com/albums/ae123/elainefung0821/P3024713.jpg" border="0" alt="Photobucket"></a>)
