龜龜係咪有病? (求救, 急急急)
大家好, 我係新手,
養左兩隻龜龜 (梅花珍珠) 一大一小, 番來時大係精靈過細個隻, 而家倒轉,
問題如下:
1. 細個隻食得疴得, 磅重仲重左, 買番來時31g, 未夠1個月巳經重左9g, 而家40g, 平時一日餵兩餐定時定後, 係咪餵得太多? 佢地知唔知道飽0架? 細龜要唔要減肥呢? 龜係咪一日疴好多次屎, 因為細呢隻真係疴好多次, 一換完水放入缸即疴, 激死~
2. 大個隻呢幾日唔肯食, 又唔多想郁, 成日痴住舊石上面; 佢手腳有白點, 巳幫佢塗藥水乾身2-3小時才放番入水,但一落水佢又上番舊石, 隻眼又腫左, 見佢有時會捽眼, 拿起佢直頭唔想反抗咁.....今日見疴啲屎係白色(細龜個啲係啡色), 我可以做啲咩幫佢?
註: 平時兩隻都係只餵兩種龜糧, 一隻係Zoomed(細粒), 另一隻係Rep-Cal大粒, 初時兩隻大細都肯食, 而家得細龜兩隻都肯食, 大個隻就後期變得只肯食細粒, 而家就連細粒都唔食....點算?
3. 要唔要定時幫佢地沖涼及消毒? 依家只係換水時拿佢出來用刷輕輕刷下手腳龜背等,方法啱嗎?
4. 龜缸要不定期消毒? 如要, 要點做? 同用咩消毒呢?
5. 有關晒太陽, 係咪唔可以直晒? 我放佢地係露台,有陽光晒到既地方得唔得?
